خبر فى جورنال

خبر فى جورنال
ولكل خبر مبتدى
البورصة فيها تلاعب*
والمتهم منتدى
مدينة الملائكة
عالاقتصاد اعتدى
تمام يا فندم

وعملنا التحريات*
وبعد خد وهات
وجد أن
الموقع المذكور
هو المتسبب*
فى انفلونزا الطيور
تمام يا فندم

وظهر من التحقيق
ان الموقع المذكور
غلى الزيت والدقيق
وعلشان كلامنا يكون دقيق
الموقع كمان*
اتسبب فى الحريق
حريق العبارة
والألف الغريق
فاكر يافندم؟

والموقع المذكور
بينشر العلم
ويخلى العتمة نور
وده مش عاجب صاحبنا
أبو كرش الهامور*
عارف يا فندم؟

وبناءا عليه
وعلى كل اللى اتقال
فقد تم غلق الموقع
بتاع العيال
وشردناهم فى النت
والصحرا والجبال
تمام يافندم